Xitayda 10 milyon adem qehetchilikte qalidiken

Fransiye agéntliqining 26 ‏- mart béyjingdin bergen xewirige qarighanda, xitayning jenubi we gherbiy jenubidiki 10 milyondek ahale ichimlik su yétishmeslik hadisisige duch kélidiken.

Xitay hökümet metbu'atlirining melumatida ashkarilinishiche, bu yilliq yamghur miqdarining töwen bolushi seweblik, xitayda 9.8 Milyon adem we 9.1 Milyon mal-charwa su qehetchilikining tesirige uchraydiken.

Xitayning sichü|en, guyju, xunen, yünnen, xeynen, gu'angshi, qatarliq ölke rayonlirida, bu yil bahardiki yamghur miqdari intayin töwen we témpératura derijidin tashqiri yuqiri bolghan.

Changjyang deryasining su yüzi tarixtiki eng töwen chekke chüshüp qalghan, shuning bilen senshya (uch boghuz) boghuzining tok chiqirish iqtidari heqqide endishiler peyda bolushqa bashlighan.

Xitayda ötken yilmu gherbiy jenubtiki qurghaqchiliq apitige oxshash birqatar jiddiy hawa özgirishliri bolghan bolup, xitaydiki nopuzluq métrologist bularni hawa kilmat özgirishi keltürüp chiqarghan dep qarimaqta.

Changjyang deryasi senshya boghuzigha quyulatti. Tosma tamamlan'ghandin kiyin bu rayonlardiki ahale köchürülgen we nurghunliri Uyghur élige jaylashturulghan idi. (Jüme)