Мутәхәссисләр чаңҗяң дәрясиниң әслигә кәлтүргүсиз дәриҗидә булғанғанлиқини оттуриға қойди


2007.04.16

Хитайда су мәнбәлириниң булғиниши барғанчә еғирлашмақта. Ахбарат тармақлириниң ашкарилишичә, хитайдики әң узун чаңҗяң дәря дилтисидики милйонлиған адәмниң пакизә су һаят томури еғир булғинип әслигә кәлтүргүсиз дәриҗигә берип йәткән.

Бирләшмә агентлиқиниң 16 - април бейҗиңдин бәргән мәлуматида хитай мәтбуатлирида берилгән санлиқ мәлуматлардин нәқил кәлтүрүшичә, мәзкур дәряниң 600 километир бөлики интайин начар әһвалда болуп, дәряниң тармақ еқинлириниң 30 пирсәнти еғир дәриҗидә булғанған икән.

Чаңҗяң дәрясидики су амбарлири вә кемә транспорти кәлтүрүп чиқарған булғиниш мәзкур дәрядики су һайванлириниң җиддий азлап кетиш һадисисини кәлтүрүп чиқарған. Хәвәрдә қәйт қилинишчә, дәрядики су мәһсулат миқдари 1950 ‏- йилдики 427 миң тоннидин 1990 ‏- йилда 100 миң тонниға чүшүп қалған.

Хитай пәнләр академийиси қармиқидики нәнҗиң җуғрапийә вә су тәтқиқат институти тәтқиқатчиси яң гүйшән мундақ дәйду: "инсанларниң паалийити чаңҗяң дәряси су екологийсигә әслигә кәлтүргүсиз дәриҗидә тәсир көрсәткән".

Чаңҗяң дәряси хитайдики татлиқ су мәнбийиниң 30 пирсәнтини тәшкил қилидикән. (Җүмә)

© 2007 Radio Free Asia

Мунасивәтлик мақалилар

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.