Mutexessisler changjyang deryasining eslige keltürgüsiz derijide bulghan'ghanliqini otturigha qoydi

Xitayda su menbelirining bulghinishi barghanche éghirlashmaqta. Axbarat tarmaqlirining ashkarilishiche, xitaydiki eng uzun changjyang derya diltisidiki milyonlighan ademning pakize su hayat tomuri éghir bulghinip eslige keltürgüsiz derijige bérip yetken.

Birleshme agéntliqining 16 - april béyjingdin bergen melumatida xitay metbu'atlirida bérilgen sanliq melumatlardin neqil keltürüshiche, mezkur deryaning 600 kilométir böliki intayin nachar ehwalda bolup, deryaning tarmaq éqinlirining 30 pirsenti éghir derijide bulghan'ghan iken.

Changjyang deryasidiki su ambarliri we kéme transporti keltürüp chiqarghan bulghinish mezkur deryadiki su haywanlirining jiddiy azlap kétish hadisisini keltürüp chiqarghan. Xewerde qeyt qilinishche, deryadiki su mehsulat miqdari 1950 ‏- yildiki 427 ming tonnidin 1990 ‏- yilda 100 ming tonnigha chüshüp qalghan.

Xitay penler akadémiyisi qarmiqidiki nenjing jughrapiye we su tetqiqat instituti tetqiqatchisi yang güyshen mundaq deydu: "insanlarning pa'aliyiti changjyang deryasi su ékologiysige eslige keltürgüsiz derijide tesir körsetken".

Changjyang deryasi xitaydiki tatliq su menbiyining 30 pirsentini teshkil qilidiken. (Jüme)