Xitayning % 90 yer asti süyi bulghan'ghan


2005.12.28

Xitayning muhit qoghdash bash idarisi, xitay sheherliridiki % 90 yer asti süyining bulghan'ghanliqini bildürdi. Bu xewer kishilerning xitaydiki 3.1 Milyard kishining ichimlik süyi bixeterlikige qarita diqqitini tartti.

Xitay muhit qoghdash bash idarisining bashliqi jang lijün charshenbe küni bu heqte bergen doklatida, sheherlerdiki yer asti süyi bulghinishining éghir derijide ikenlikini eskertti. Uning éytishiche, bezi rayonlarda suning bulghinish ehwali hetta yer yüzigiche yetken.

Doklatta körsitilishiche, bundaq bolushidiki seweb, xitayning sana'et zawutliri chiqarghan kéreksiz sular we bir terep qilinmighan sheher paskina suliri biwaste derya éqinlargha qoyup bérilip, netijide bu sularning yerge singip kirishi netijiside yer asti süyimu bulghan'ghan.

Nöwette xitay hökümiti 20 yilliq iqtisadiy téz tereqqiyatning muhitqa keltürgen ziyanliri üstidin tekshürüsh élip bérishqa bashlighan. Shundaqla kelgüsi 25 yilda xitayning su weziyiti yene bir qétimliq iqtisadiy ilgirleshning bésimigha uchraydiken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.