Proféssor su xitayning etrapidiki milletlerni tetqiq qilishta yerlik yazma matériyallarni asas qilishni teshebbus qildi


2008-01-22
Share

Teywen medeniyet penliri uniwérsitétining proféssori su jya xung ependi tébet millitining hazirqi ehwali toghrisida "muhajirettiki millet" namliq bir kitab yézip neshr qildurghan idi. Proféssor su 1 ‏- ayning 22 ‏- küni chüshtin burun erkin asiya radi'osigha kelgende, muxbirlirimizning su'allirigha jawab berdi.

Su jya xung ependining qarishiche, kommunist xitay hökümiti tébetlerni dunyagha 'jin-alwasti' qilip körsitishke urunup keldi. Ularni qolidin kélishiche 'yaman'lidi. Hazir su ependi Uyghur milliy herikitining yétekchisi rabiye xanimghimu xitay hökümiti shundaq teleppuzda mu'amile qiliwatqanliqini sezgen. Shunglashqa u hazir buning emeliyitini bilmekchi ikenlikini izharlidi.

Proféssor su muxbirlirimizning su'allirigha jawab bergende, töwendiki bir qatar mesililer üstide toxtaldi.

Proféssor su 'az sanliq millet' dégen atalghuni ret qilidu proféssor su muxbirlarning su'allirigha jawab bergende, aldi bilen kommunist xitay hökümitining 'az sanliq millet' dégen atalghusini ret qildi. Uning qarishiche, chong quruqluqta 'ottura tüzlenglik' dégen bir atalghu bar. Kommunist hökümiti bu atalghugha tebir bérip 'ottura tüzlenglik junggoning merkizi' , 'hemme medeniyet mushu merkezdin etraptiki az sanliq millet rayonlirigha tarqalghan' dep chüshendüridu. Xitay hökümiti etraptiki bashqa milletlerge mushu chüshenche bilen mu'amile qilidu. Emeliyette, ‏-‏ deydu su ependi, ‏-‏ qedimqi zamanlarda ottura tüzlenglik rayonida peqet her xil namdiki sulaliler qurulghan, u birla milletning sulalisimu emes, bashqa milletlermu bu rayonda sulale qurghan, etraptiki bashqa milletlerningmu ottura tüzlenglktin bashqa rayonlarda özining sulaliliri bolghan. Etraptiki bashqa milletlerning hemmisi qedimqi zamanda 'az sanliq' emes idi. Ri'alliqqa hürmet qilghanda, xitay hökümiti qolliniwatqan 'az sanliq millet' dégen atalghu toghra emes, uningda belki kemsitish menisi bar.

Xitay bolmighan milletlerni tetqiq qilghanda yerlik yazma tarixni asas qilish kérek

Proféssor suning éytishiche, u xitay bolmighan bashqa milletlerni tetqiq qilishta xitayche sulale kitabliridiki melumatlarni ishletmeydu. Uning qarishiche, 'sining sherqiy türkstaning, mining gherbiy diyarim' dégen kitab 'ottura tüzlenglikni merkez qilghan xitay medeniyiti' dégen köz qarash asasida yézilghan. Su ependi bundaq köz qarashni ret qilidu. U xitayning etrapidiki milletlerning tarixini tetqiq qilghanda, yerlik milletning özining matériyallirini we hazirqi emelyitini étirap qilishni yaqlaydu.

'Shinjang ezeldin junggoning birqismi' dégen köz qarash toghra emes

Teywen medeniyet penliri uniwérsitétining proféssori su jya xung ependi 'shinjang ezeldin junggoning birqismi' dégen köz qarashni ret qilidu. Uning qarishiche, 'shinjang' dégen yéngi chégra dégen söz, bu sözning özidinla uning 'ezeldin junggo bir qismi' emesliki körünüp turidu. Xitayning teywen bilen munasiwiti bar , déyilse, u aran 400 yilighila baridu, emma teywen özi bir dölet bolup turuwatqili uzun yillar bolup qaldi, bu bir neq emeliyet. U ri'alliqqa hörmet qilishni teshebbus qilidu.

Xitay hökümiti etraptiki bashqa milletlerni térrorchiliqqa qarshi turushni bahane qilip basturuwatidu

Proféssor suning qarishiche, kommunist xitay hökümiti teywen'ge qarita amérika -xitay munasiwitidin paydilinip bésim ishlitiwatidu, etraptiki bashqa milletlernimu, xitay hökümiti yenila amérika -xitay otturisi'idiki térrorchiliqqa qarshi turush munasiwitini bahane qilip basturuwatidu. )Weli(

Yuqiridiki ulinishtin, muxbirimiz welining bu heqtiki melumatini anglaysiz.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet