Xelq'ara jem'iyet xitayning sün'iy hemrahgha qarshi lazir nurluq qoral sinaq qilghanliqini eyiblidi


2007.01.19

Xelq'ara jem'iyet xitay herbiy da'irilirining ötken hepte alem boshluqida sün'iy hemrahgha qarshi lazir nurluq bashqurulidighan bomba siniqi élip barghanliqini eyiblidi.

Amérika , yaponiye, en'gliye we awstraliye qatarliq döletler xitayning mezkur alem boshluqi qorallar siniqidin pewqul'adde endishe qiliwatqanliqini bildürmekte. Xewerlerge qarighanda 11 - yanwar küni xitay ottura musapiliq bashqurulidighan bomba bilen 1999 -yili qoyup bérilgen bir sün'iy hemrahni étip chüshürgen.

Amérika dölet xewpsizlik komitéti bayanatchisi gordon jondroé, "amérika xitayning bu xildiki qorallar siniqi élip barghanliqini ikki döletning alem boshluqida tinch meqsedler üchün hemkarlishish rohigha xilap, dep qaraydu " dédi. Yaponiye bolsa xitaydin bu heqte chüshenche bérishni telep qilghan. Yaponiye ichki kabinét sékrétari yasuxisa shi'ozaki, xitayning herbiy tereqqiyati mexpiy tutuliwatqan ehwal astida bu xildiki sinaqlar uning meqsitige qarita guman tughduridu, dep tekitlidi. Rusiye dölet mudapi'e ministiri sérgéy iwanow bolsa alem boshluqining herbiyleshtürülishige qarshi turidighanliqini bildürgen. En'gliye bolsa sün'iy hemra sunuqliri peyda qilidighan tehdittin endishe qilmaqta. En'gliye hökümiti bu weqe toghrisida xitay terep bilen alaqilishiwatqanliqini eskertti.

Lékin xitay dölet mudapi'e ministirliqi we tashqi ishlar ministirliqi weqe toghrisidiki su'allargha jawab bérishni ret qilmaqta. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.