ئامېرىكىنىڭ دۆلەت مۇداپىئە مەسلىھەتچىسى: ئەگەر خىتاي ئامېرىكا سۈنئىي ھەمراھلىرىغا ھۇجۇم قىلىپ قالسا زىيىنى بەك زور بولۇشى مۇمكىن


2007.03.30

بەش بۇرجەكلىك بىنانىڭ سابىق خادىمى، خىتاي مەسىلىسى مەسلىھەتچىسى مايكېل پىللسبۇري ئامېرىكا دۆلەت كونگىرىسى مەسلىھەتچىلەر يىغىندا، ئۇچ خىتاي كونسۇلىنىڭ ئايرىم-ئايرىم 3 پارچە كىتاب يېزىپ خىتاينىڭ ئامېرىكىنى ئاگاھلاندۇرمايلا سۇنئىي ھەمراھقا قارشى قوراللارنى ئىشلىتىشنى ھىمايە قىلغانلىقىنى ئېيتتى.

مايكېل پىللسبۇري كونگىرىستا گۇۋاھلىقتىن ئۆتۈپ مۇنداق دەيدۇ " ئامېرىكىنىڭ ئوربىتىدىكى خىتاينىڭ ھۇجۇم قىلىش ئىقتىدارى دائىرىسىگە چۈشۈپ قالغان نەچچە ئون سۈنئىي ھەمراھلىرىنىڭ ئورنىغا يەنە زاپاس سۈنئىي ھەمراھلارنى قانچە تىز ھاۋاغا چىقارالايدىغانلىقىنى بىلمەيمەن".

بۇ يىل يانۋاردا، خىتاي ئۆزىنىڭ كاردىن چىققان بىر سۈنئىي ھەمراسىنى باشقۇرۇلدىغان بومبىدا ئېتىپ چۈشۈرگەن ئىدى. ئامېرىكا قوشما شىتاتلىرى ۋە سابىق سوۋېتلەر ئىتتىپاقىمۇ سۈنئىي ھەمراھىغا قارشى باشقۇرۇلىدىغان بومبا سىنىقى ئېلىپ بارغان .

لېكىن خىتاي ئوربىتىدا باشقا سۈنئىي ھەمراھلارغا دەخلى قىلىش مۇمكىنچىلىكى بولغان ناھايىتى كوپ قالدۇق قالدۇرغان دۆلەت. مايكېل پىللسبۇرينىڭ بىلدۈرۈشىچە، خىتاينىڭ سۈنئىي ھەمراھقا قارشى قوراللار تىرىشچانلىقىنى مۆلچەرلىمەك بەك تەس ئىكەن. (جۈمە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.