Xitay hökümiti yalghan süt parashoki délosi bilen ikki ademge höküm élan qildi


2004.08.06

Xitay sot da'iriliri, peyshenbe küni xitayni zilzilige keltürgen enxüy ölkisi fuyang shehiridiki saxta süt parashoki délosigha alaqidar ikki kishige höküm élan qildi. Jawabkarning birige sekkiz yilliq, yene birige bolsa bir yilliq qamaq jazasi bérildi we ming yüendin ming besh yüz yüen'giche jerimane qoyuldi.

Xitay da'iriliri enxüy ölkisining fuyang shehiride nachar süpetlik süt parashokini istémal qilin'ghanliqtin, 12 balining ölgenlikini élan qilghan idi. Emma amérika birleshme axbarat agéntliqi yerlik da'irilerning melumatlirini neqil keltürüp, déloda 50 tin artuq balining ölgenlikini, nechche yüz balining yitilishining normal bolmighanliqini bildürgen . Mezkur weqege xitayning hökümet emeldarlirimu chétishliq chiqqan.

Fuyang shehirining bir nahiyisidiki saxta süt parashokini ichkenliktin ziyankeshlikke uchrighan bowaqlarning ata-aniliri ilgiri bu mesile üstidin hökümetke erz sun'ghan bolsimu, emma parixor emeldarlar qara niyetlik zawut igiliri bilen til biriktürüp, saxta süt parashokini dawamliq satqan.

Tekshürgüchi xadimlarning iniqlishiche,xitayning yette ölkisidiki 141 zawut saxta süt parashoki ishlepchiqiridiken. Bu xil süt parashoki asasliqi kraxmal bilen sudin yasalghan bolup, héchqandaq ozuqluq qimmiti yoq bolmighachqa, bowaqlar istémal qilghandin kiyin ozuqluq yitishmesliktin ölidiken.

Chet'el metbu'atliri, bu déloning xitaydiki yémeklikler taziliqini narazet qilish tüzülmisining intayin mukemmelsizlikini, yémeklikler taziliqida éghir mesililerning mewjütlikini körsitip béridighanliqini bildürmekte. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.