Чен шүйийән латин америка сәпиридә америкида тохтап өтмәкчи


2004-08-18
Share

Тәйвән президенти чен шүйбийән -8айниң ахирлири панамадики зияритини ахирлаштурғандин кейин, америкиниң һавайи штати вә сиатул шәһиридә тохтап өтидикән. Шундақла буниң, икки қирғақ вәзийитидә йәнә давамлиқ җиддийлик пәйда қилидиғанлиқи мөлчәрләнмәктә.

Ройтерс ахбарат агентлиқиниң хәвиригә қариғанда, тәйвән ташқи ишлар министири марк чен, чен шүйбийәнниң һавайи вә сиатулдики мәзгилидә америка сиясийонлири билән учришидиғанлиқини билдүргән.

Хитай һөкүмити чен шүйбийәнниң америкиға қилидиған һәрқандақ зияритигә қарши туридиған болуп, илгириму бу һәқтә, изчил түрдә америкиға бесим ишлитип кәлгән иди.

Америка һөкүмити бир җуңго принсипида чиң туридиғанлиқини тәкитлисиму, әмма у һазирғичә тәйвәнни қорал-ярақ билән тәминләйдиған әң чоң дөләт һесаблинип кәлди.(Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт