Teywen terep, yéqinda ötküzmekchi bolghan herbiy manéiwirni bikar qildi

Teywen da'irliri, 9 - séntebir küni ötküzmekchi bolghan, xen'gu'ang herbiy manéwirni bikar qildi .

Teywen dölet mudapi'e ministiri li jéshing, seyshenbe küni, xitay chong quruqliqining dongshen arilida ötküzmekchi bolghan manéwirni bikar qilghandin kéyin, teywen terepmu buninggha jawaben, esli ötküzüshni qarar qilghan xen'gu'ang herbiy manéwirini bikar qilghanliqini jakalidi .

Li jéshingning bildürishiche, teywen terep,xitay quruqliqigha a'it toplan'ghan uchurlargha asasen bu qararni bergen bolup, mezkür qararning amérika terep bilen hichqandaq munasiwiti yoq iken .

Teywen hökümiti herbiy manéwirni bikar qilishni jakalashtin bir kün burun, bir qisim mütexesssler, xitay chong quruqluqining manéwirni bikar qilishidiki sewepni, amérikida dongshen manéwéri heqqide ghul- ghula qozghilishning aldini élish üchün dep qarighan idi .

Teywen prizdinti chén shuybyenmu, ottura amérikigha qaratqan ziyaritidin burun, özi olturghan mexsus ayrupilanda herbi manéwirni bikar qilish heqqide buyruq bergen hemde ténchliq pirinsipi asasida ikki qirghaq munasiwitini yaxshilashni teshebbus qilidighanliqini yene bir qétim tekitligen . (Eqide)