Xitay tashqi ishlar ministirliki amérikining teywen'ge qoral sétip bérishini eyiblidi


2004-09-01
Share

Xitayning mu'awin tashqi ishlar ministiri jow wénjong charshenbe küni amérikining teywen'ge qoral sétip bérish herikitini eyiplep, buning xitay-amérika munasiwetlirige ziyan yetküzidighanliqini bildürdi.

Roytéris axbarat agéntliqining xewer qilishiche, jow amérikining teywen'ge qoral sétip bérishni derhal toxtitishi kéreklikini, bolmisa buning teywenning musteqilliqini righbetlendürüp, rayonning tinchliqigha tehdit bolidighanliqini tekitlidi.

Jow wénjong sözide yene, amérikining teywen'ge qoral sétip bérishidin bashqa yene, xitayning kishilik hoquqini eyiplishi we xongkongning ichki ishlirigha arilishishimu ikki dölet munasiwitidiki tosalghular ikenlikini körsetti.

U yene, amérikida jiddiy élip bériliwatqan prézdént saylam riqabiti üstidimu toxtulup, bu qétimliq saylam riqabitining éniq chüshendürüsh bérilmigen ehwal astida, xitay-amérika munasiwetlirini murekkepleshtüriwetkenlikini bildürdi.

Jowning bu sözliri düshenbe künidiki amérika döletlik jumhuriyetchiler partiyesi wekiller qurultiyida otturigha chiqqan xitaygha anche dostane bolmighan söz ibarilerge qaritilghan bolup, uningda amérikining xitayning teywen'ge herbiy küch ishlitishige yol qoyalmaydighanliqi we xitayning kishilik hoquq ehwaligha a'it mezmunlar körsitilgen idi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet