Teywen da'iriliri üch kishini xitaygha ishpiyonluq qilish jinayiti bilen eyiblep tutti


2004.09.05

Teywen hökümet da'iriliri, üch neper teywenlikni xitaygha ishpiyonluq qilish jinayiti bilen eyiblep, qolgha aldi.

Amérika birleshme axbarat agéntliqining teywen da'irilirining melumatlirini neqil keltürishiche, xitay chong quruqluqida soda qilidighan xuping isimlik tijaretchi teywen hawa armiyisining ikki neper xadimi bilen til biriktürüp, teywenning küreshchi ayropilanlirigha da'ir axbaratlarni toplighan.

Teywen dölet mudapi'e ministirlikining bildürüshiche, ular buni xitay nenjing armiye rayoni da'irilirining yolyoruqi bilen élip barghan. Teywen hökümiti peyshenbe küni kechte bu üch kishini qolgha élip, ularni munasiwetlik teptish da'irilerning tekshürüshige tapshurup bergen . Emma hazirgha kelgiche ular üstidin resmiy erz sunmighan.

Teywen dölet mudapi'e ministirliki, xitay chong quruqluqi bilen teywen xelqi arisidiki alaqining küchiyishi bilen, bir qisim herbi ofétsirlarning düshmen'ge qarshi hoshyarliqi töwenlep ketkenlikini körsitip, bundin kiyin, herbi xadimlarning mexpiyetlikni saqlash éngini östürüshke alahide ehmiyet béridighanliqini bildürmekte. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.