Xitay chén shüybiyenning "teywen" atalghusini ishlitish telipini eyiblidi

Xitay hökümiti charshenbe küni teywen prézidénti chén shüybiyen otturigha qoyghan, nöwette qolliniwatqan "jungxu'a min'go" dégen dölet namini qisqartip "teywen" ge özgertish teklipini eyiblidi.

Fransiye axbarat agéntliqining xewiride körsitilishiche, xitay teywen ishliri ishxanisi chén shüybiyenning, dölet namini özgertish usuli bilen musteqilliqni isteshke uriniwatqanliqini eyiblep, chén shüybiyen'ge qaritilghan hushyarliqni üstün tutush kéreklikini bildürdi.

Chén shüybiyen bu yil -5 ayda teywen prézdéntlikike qayta saylan'ghan bolup, bu xitay hökümitining naraziliqini qozghighan idi. Emdilikte chénning, xitay bilen biwasite baghlinishini ipadileydighan " jungxu'a min'go" dégen namni ishletmeslikke tirishishi, xitayning gheziwini téximu qozghidi.

Buningdin sirt xitay hökümiti yene, amérika awam palatasi yéqinda maqullighan "xongkongning erkinlikini qollash" qararighimu küchlük naraziliq bildürüp, amérika hökümitining xitayning ichki ishigha arilashmasliqini yene bir qétim tekitlidi. (Peride)