Чин шүйбийән: хитай һакимийтидики өзгиришләрдин башқичә үмид күтмәслик керәк


2004-09-20
Share

Тәйвәнниң президенти чин шүйбийән, дүшәнбә күни тәйвән хәлқини хитай һакимийтидә йүз бериватқан өзгиришләрдин башқичә үмидләр күтмәсликини агаһландурди.

Хәвәрләргә қариғанда, тәйвән һөкүмити вә хәлқи хитайниң сабиқ дөләт рәиси җияң земинниң хитай мәркизий һәрбий ишлар комитетиниң рәисилики вәзиписидин истепа бәргәнликини йеқиндин көзәтмәктә. Көпчиликкә мәлум болғандәк, йәкшәнбә күни җияң земиндин бошанған хитай мәркизий һәрбий ишлар комитети рәислики вәзиписини хоҗинтав игилиди.

Америка мәркизий ахбарат агентлиқиниң тәйбейдин хәвәр қилишичә, хитай һакимийтидики өзгиришләр тәйвән аммивий ахбарат васитилириниң қаттиқ диққитини қозғиған. Анализчиларниң ейтишичә, тәйвәндики содигәрләр хоҗинтав тәйвән- хитай мунасивәтлирини тәрәққи қилдуруши мумкин, дәп пәрәз қилишидикән.

Тәйвән президенти чин шүйбийән армийә офитсирлиригә қилған сөзидә, хитай һөкүмитиниң тәйвәнгә қарши һәрбий күч ишлитиш тәһдидидин ваз кәчмигәнликини тәкитлиди. У тәйвән хәлқини агаһландуруп, хитайдин башқичә үмид күтмәсликини билдүрди. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт