Chin shüybiyen: xitay hakimiytidiki özgirishlerdin bashqiche ümid kütmeslik kérek


2004-09-20
Share

Teywenning prézidénti chin shüybiyen, düshenbe küni teywen xelqini xitay hakimiytide yüz bériwatqan özgirishlerdin bashqiche ümidler kütmeslikini agahlandurdi.

Xewerlerge qarighanda, teywen hökümiti we xelqi xitayning sabiq dölet re'isi jiyang zéminning xitay merkiziy herbiy ishlar komitétining re'isiliki wezipisidin istépa bergenlikini yéqindin közetmekte. Köpchilikke melum bolghandek, yekshenbe küni jiyang zémindin boshan'ghan xitay merkiziy herbiy ishlar komitéti re'isliki wezipisini xojintaw igilidi.

Amérika merkiziy axbarat agéntliqining teybéydin xewer qilishiche, xitay hakimiytidiki özgirishler teywen ammiwiy axbarat wasitilirining qattiq diqqitini qozghighan. Analizchilarning éytishiche, teywendiki sodigerler xojintaw teywen- xitay munasiwetlirini tereqqi qildurushi mumkin, dep perez qilishidiken.

Teywen prézidénti chin shüybiyen armiye ofitsirlirige qilghan sözide, xitay hökümitining teywen'ge qarshi herbiy küch ishlitish tehdididin waz kechmigenlikini tekitlidi. U teywen xelqini agahlandurup, xitaydin bashqiche ümid kütmeslikini bildürdi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet