Chén shüybiyen xu jingtawning herbiy tehditni peseytmeydighanliqini bildürdi


2004-09-22
Share

Teywen prézidénti chén shüybiyen charshenbe küni, gerche herbiy hoquq jiyang zémindin xu jingtawgha ötken bolsimu, lékin xu jingtawni "teywen'ge qaratqan herbiy tehditni peseytidu" dep qarimaydighanliqini bildürdi.

Fransiye axbarat agéntliqining xewirige qarighanda, chén shüybiyen kanada parlamént ezaliridin teshkillen'gen bir wekiller ömikining ziyaritini qobul qilghanda bu sözlerni qilip, "jiyang zémin bilen xu jingtaw her ikkilisi teywen'ge qoral küchi ishlitishtin waz kechmeydu" dédi.

Chén shüybiyen yene, kommunist xitayning teywen'ge qaratqan bashqurulidighan bomba sanining hazir 600 ge yétidighanliqini hemde buni yiligha 50 tin 70 giche ashuruwatqanliqini tekitlep, buning asiya tinch-okyan rayonining tinchliqigha bir chong tehdit boluwatqanliqini bildürdi.

Xitayning 16- nöwetlik qurultiyi4- omumiy yighinida, xitay sabiq re'isi jiyang zémin herbiy hoquqni xujingtawgha ötküzüp bérip, teywen'ge qoral küchi ishlitishtin hergiz waz kéchishke bolmaydighanliqini tekitligen idi. Teywen memuriy mehkime bashliqi yow shikün jiyangning sözige asasen, teywenning téximu mukemmel mudapi'e küchi bolishi kéreklikini yene bir qétim eskertti. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet