Teywen, yaponiyening normal döletlik ornigha qaytip kélishini qarshi alidu


2004-10-03
Share

Teywen bash ministiri yow shikun, teywen yaponiyening normal döletlik ornigha qaytip kélishini qarshi alidu didi. U, yaponiyeni asiya bixeterlik mesililiride téximu chong rol oyghashqa chaqirghan. Yow shikun yuqarqi sözlerni teybéyda chaqirilghan "yaponiye - teywen munbiri - 2004 " namliq muhakime yighinida tekitligen. Yow shikun, améri'aka bilen yaponiye otturisidiki "bixeterlik shertnamisi" asiya - tinch okyan rayunidiki bixeterlikning hul téshi, yaponiye bilen teywen bixeterlik diyalugi qurup, amérika - yaponiye we teywen otturisidiki hemkarliqni kücheytishi kérek dep körsetken. U mundaq deydu : amérika, yaponiye we teywen dimokratiye, erkinlik we kishilik hoquqni hörmet qilidighan döletler, shunga ularning hemkarliq munasiwéti qurushi tebi'iy, shundaqla rayunning bixeterligi we muqimliqigha uyghun.

Yéqindin béri yaponiye ichki kabintidiki yaponiyening normal döletlik ornini eslige keltürüsh toghrisidiki talash-tartishlar, etraptiki xoshna döletlerning diqqitini qozghighan. Biraq teywen bash ministiri yaponiyening normal döletlik ornigha qaytishini qarshi aldi. U mundaq digen : soghaq munasiwetler urushidin kéyin xitayning küchi kéngiyishke bashlidi. Shimali koriye yadro qorallar mesilisi téxi hel bolmidi. Xitay bilen koriye sherqiy- shimali asiya bixeterlikidiki eng chong tehdit. Yow shikunning ilgiri sürüshiche, yaponiye xitayning 1996 - yildin béri teywen'ge bashqurulidighan bombilar bilen tehdit séliwatqanliqini bilishi kérek, teywen boghuzida yüz bergen her qandaq toqunush yaponiye menpe'etini ziyan'gha uchritidu. Yaponiye 2 - dunya urushida meghlup bolghandin kéyin yaponiye asasi qanuni yaponiyening chet'elge qoshun chiqirishini chekligen. Amérika yaponiye dölet mudapi'esini ötküziwalghan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet