Хитай һөкүмити чен шуйбийәнниң чақириқини рәт қилди


2004.10.11
Share on WhatsApp
Share on WhatsApp

Хитай һөкүмити дүшәнбә күни тәйвән президенти чен шүйбийәнниң тәйвән дөләт байрими күни оттуриға қойған тинчлиқ сөһбити өткүзүш чақириқини рәт қилди.

Америка бирләшмә ахбарат агентлиқиниң көрситишичә, хитай һөкүмитиниң енглизчә чиқидиған хитай күндилик гезити дүшәнбә күнидики санида бу һәқтә бир парчә мақалә елан қилип, чен шүйбийән тәләппузиниң ғува вә сәмимий болмиғанлиқини, шуңа хитайниң буниңға әстайидил муамилә қилмайдиғанлиқини билдүргән.

Чен шүйбийән -10 өктәбир дөләт байрими күни икки тәрәпни тинчлиқ сөһбтини илгири сүрүп, урушниң алдини елишқа чақирған иди. У йәнә, икки тәрәп оттурисида алақә болмаслиқ сәвәбидин нурғун уқушмаслиқларниң келип чиққанлиқини тәкитлиди.

Америка ташқи ишлар министери шу күнила чен шүйбийәнниң тәкливини қарши елип, ченниң сөзлириниң қурулуш характеригә игә икәнликини билдүрди, һәмдә икки қирғақни һәрқандақ ихтилапларни сөһбәт арқилиқ бир тәрәп қилишқа чақирди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.