Хитай һөкүмити чен шүйбийәнниң чақириқини рәт қилди


2004.10.13
Share on WhatsApp
Share on WhatsApp

Хитай даирилири чаршәнбә күни тәйвән презденти чен шүйбийәнниң тинчлиқ сөһбити өткүзүш чақириқини рәт қилип, ченниң һәққий мәқситиниң йәнила тәйвәнни мустәқил қилиш икәнликини билдүрди.

Америка бирләшмә ахбарат агентлиқиниң хәвиригә қариғанда, хитай тәйвән ишлири ишханиси баянатчиси җаң миңчиң мухбирларни күтивелиш йиғинида, чен шүйбийәнниң икки қирғақ вәзийитини яхшилаш тоғрисидики сөзлириниң сәмимий әмәслигини тәкитләп, " чен шүйбийәнниң 'җуңхуа минго димәк тәйвән димәктур, тәйвән димәк җуңхуа минго димәктур' дегән сөзиниң өзи очуқ-ашкара мустәқиллиқни тәләп қилғанлиқ" деди.

Җаң миңчиң сөзидә йәнә тәйвәнни агаһландуруп, тәйвән мустәқиллиқиниң икки қирғақ вә асия-тинч окян райониниң бихәтәрликигә бир чоң тәһдит болидиғанлиқини, чен шүйбийән өз алдиға бөлгүнчилик йолиға маңса, пәқәт өзигә өзи бала теривалидиғанлиқини тәкитлиди.

Чен шүйбийәнниң 10 - өктәбир тәйвән дөләт байрими күни қилған хитай билән тинчлиқ сөһбити өткүзүш чақириқи америка һөкүмитиниң қоллишиға еришти. Чен шүйбийән, хитайниң бу инкасидин һәйран қалмайдиғанлиқини, йәнә бир аз тақәт қилишқа тоғра келидиғанлиқини билдүрди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.