تەيۋەن يېڭىدىن تۈزىدىغان تارىخ دەرسلىك كىتابىدا ئىككى قىرغاق تارىخىنى ئايرىيدىكەن


2004-11-10
Share

تەيۋەن تولۇق ئوتتۇرا تارىخ دەرىسلىك كىتاۋىنى قايتا تۈزۈشكە تەييارلىق كۆرىۋاتقان بولۇپ، ئۇنىڭدا تەيۋەن تارىخىنى خىتاي تارىخىدىن ئايرىپ قويىدىكەن.

رويتېرس ئاخبارات ئاگېنتلىقىنىڭ خەۋىرىگە قارىغاندا، يېڭى تۈزىلىدىغان تارىخ دەرىسلىك كىتاۋى 2006 - يىلى رەسمىي تارقىتىلىدىغان بولۇپ، ئۇ پۈتۈنلەي تەيۋەن تارىخىنى ئاساس قىلغان.

نۆۋەتتىكى تارىخ كىتاۋىدا تەيۋەن تارىخى بىلەن خىتاي تارىخى ھەر ئىككىلىسى " مەملىكەت تارىخى" غا تەۋەن بولغان بولسا، يېڭى كىتاپتا تەيۋەن تارىخى ۋە خىتاي تارىخى دەپ ئايرىپ تۈزىلىدىكەن.

تەيۋەندىكى ئىككى قىرغاقنىڭ بىرلىكىنى ئىسدەيدىغان قارشى پارتىيە، مائارىپ مىنىستىرلىگى تۈزمەكچى بولغان يېڭى دەرسلىكىنى ئەيىبلەپ، بۇنىڭ "ئەجدادلارنى ئۇنتۇش" ھەمدە مائارىپ ئارقىلىق رەسمىي يوسۇندا تەيۋەن مۇستەقىللىقىنى ئىلگىرى سۈرۈش ھېسابلىنىدىغانلىقىنى بىلدۈردى.

ئەمما تەيۋەن مائارىپ مىنىستىرلىقى بۇنداق قىلىشتىكى سەۋەبنىڭ پەقەت، ئوقۇغۇچىلارنىڭ تەيۋەننىڭ مەدەنىيەت يىلتىزىنى ۋە سالاھىيىتىنى ياخشى چۈشىنىشىگە ياردەم بولۇشىنى مەقسەت قىلغانلىقىنى ئىلگىرى سۈردى. (پەرىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت