Чин шүйбйән асасий қанунға өзгәртиш киргүзүш тәйвәнниң мустәқиллиқини илгири сүрүш билән мунасивәтсиз дәп билдүрди


2004.12.01

Тәйвән президенти чин шүйбйән чаршәнбә күни америкиға капаләт берип, тәйвәнниң асасий қануниға өзгәртиш киргүзүшниң һәргизму тәйвәнниң мустәқиллиқини илгири сүрмәйдиғанлиқини билдүрди.

У бу сөзни тәйвәнни зиярәт қиливатқан америка кеңәш палата әзалириға ейтқан. Чин шүйбйән сөзидә йәнә, өзиниң илгирки вәдисидә чиң туруп, тәйвәнниң мустәқиллиқини рәсмий җакарлимайдиғанлиқини вә тәйвәнниң кәлгүси тәқдири үстидә омумий хәлқ райини авазға қоймайдиғанлиқини билдүргән.

Тәйвән президенти чин шүйбйән 2006 - йили тәйвән асасий қануниға өзгәртиш киргүзүш мәсилисидә омумий хәлқ райини авазға қоюшни пиланлаватқанлиқини билдүргәндин кийин, хитай билән тәйвән оттурисидики зиддийәт өткүрләшкән иди.

Хитай һөкүмити тәйвәнниң кәлгүсидә омумий хәлқ райини синаш елип бериш арқилиқ рәсмий мустәқиллиқ җакалишидин әндишә қилиду. Әмма чин шүйбйән бу қетим омумий хәлқ райини синаш арқилиқ тәйвән асасий қануниға өзгәртиш киргүзүшниң һөкүмәтниң идарә қилиш қабилийитини өстүрүшни мәқсәт қилидиғанлиқини көрсәткән. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.