Тәйвәндики йәнә бир өктичи партийиниң рәһбири хитайни зиярәт қилди


2005-05-05
Share

Тәйвәндики өктичи партийә һесабланған хәлқпәрвәр партийисиниң рәиси суң чуйү пәйшәнбә күни шиәнгә йитип келип, хитай чоң қуруқлиқиға қилидиған тоққуз күнлүк зияритини башлиди.

Америка бирләшмә ахбарат агентлиқиниң хәвиригә қариғанда, суң чуйү шиән айрудрумида сөзлигән нутуқида, " мәнму хитай, икки қирғақтикиләр әмәлийәттә бир аилә кишилири" деди. У сөзидә йәнә тәйвән мустәқиллиқини қоллимайдиғанлиқини тәкитләп, тәйвән боғизидики җиддий вәзийәтни яхшилашни үмид қилидиғанлиқини билдүрди.

Суң чуйү киләр һәптә бейҗиңға берип, хитай дөләт рәиси ху җинтав билән көришиду. Буниң алдидила тәйвәндики әң чоң өктичи партийә болған гоминдаң партийисиниң рәиси лйән җән хитайни зиярәт қилған иди.

Тәнқидчиләр, уларниң хитай зияритиниң тәйвән мустәқиллиқини қоллайдиған чин шүйбйән һөкүмитигә хитай чоң қуруқлиқи билән әплишиш тоғрисида бесим ишлитишни мәқсәт қилғанлиқини билдүрмәктә.

Бу арида, америка муавин ташқи ишлар министири роберт золик, бейҗиң һөкүмитини тәйвән хәлқи сайлиған һөкүмәт билән бивастә сөһбәт өткүзүшкә чақирди.

У тәйвәндики өктичи партийиләрниң хитай зияритини бир иҗабий қәдәм дәп қарисиму, бирақ бейҗиңниң бу пурсәттин пайдилинип, тәйвәндә бөлүнмә һаләт пәйда қилишидин һәйран қалмайдиғанлиқини билдүрди. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт