Teywendiki yene bir öktichi partiyining rehbiri xitayni ziyaret qildi


2005-05-05
Share

Teywendiki öktichi partiye hésablan'ghan xelqperwer partiyisining re'isi sung chuyü peyshenbe küni shi'en'ge yitip kélip, xitay chong quruqliqigha qilidighan toqquz künlük ziyaritini bashlidi.

Amérika birleshme axbarat agéntliqining xewirige qarighanda, sung chuyü shi'en ayrudrumida sözligen nutuqida, " menmu xitay, ikki qirghaqtikiler emeliyette bir a'ile kishiliri" dédi. U sözide yene teywen musteqilliqini qollimaydighanliqini tekitlep, teywen boghizidiki jiddiy weziyetni yaxshilashni ümid qilidighanliqini bildürdi.

Sung chuyü kiler hepte béyjinggha bérip, xitay dölet re'isi xu jintaw bilen körishidu. Buning aldidila teywendiki eng chong öktichi partiye bolghan gomindang partiyisining re'isi lyen jen xitayni ziyaret qilghan idi.

Tenqidchiler, ularning xitay ziyaritining teywen musteqilliqini qollaydighan chin shüybyen hökümitige xitay chong quruqliqi bilen eplishish toghrisida bésim ishlitishni meqset qilghanliqini bildürmekte.

Bu arida, amérika mu'awin tashqi ishlar ministiri robért zolik, béyjing hökümitini teywen xelqi saylighan hökümet bilen biwaste söhbet ötküzüshke chaqirdi.

U teywendiki öktichi partiyilerning xitay ziyaritini bir ijabiy qedem dep qarisimu, biraq béyjingning bu pursettin paydilinip, teywende bölünme halet peyda qilishidin heyran qalmaydighanliqini bildürdi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet