Démokratiye tereqqiyat partiyisi, song chüyüyni teywen'ge "xiyanet" qilish bilen eyiplidi


2005-05-06
Share

Tenwende hakimiyet üstidiki démokratiye tereqqiyat partiyisi, xitay chong quruqluqini ziyaret qiliwatqan teywen xelqperwerler partiyisining re'isi song chüyüyni teywenni xitaygha sétiwétish bilen eyiplidi.

Song chüyü xitay chong quruqluqidiki ziyariti peyshenbe küni bashlighan. U, jüme küni shi'endiki shyenyangda xu'angdining qewrtisini tawap qildi. Emma teywen démokratiye tereqqiyat partiyisining bash katipi liy yiyang, "lyen jen bilen song chüyüy teywenni sétiwatidu shundaqla ularning xitaydiki ziyariti teywenning igilik hoquqini qurban qilmaqta," dep körsetti.

Liy mundaq deydu: " ular jongxu'a min'goning igilik hoquqi we milliy menpe'etini qanchilik köp qurban qilsa, xitayni shunchilik xoshal qilidu shundaqla xitaydin téximu chong mukapatlarni alidu."

Song chüyü peyshenbe küni chong quruqluqtiki ziyaritining tunji békiti shi'en'ge qon'ghanda, teywen musteqilliqigha qarshi turidighanliqini jakarlighan. Liy yiyang song chüyüning bu sözini tenqidlidi. U, " song chüyü, jongxu'a min'goning igilik hoquqluq musteqil dölet ikenlikini pütünley inkar qildi," dep körsetken.

Song chüyü, gomindang re'isi lyen jendin kéyinla xitay chong quruqluqini ziyaret qilghan teywen öktichiler partiyisining rehbiri. U, düshenbe küni béyjinggha baridu shundaqla béyjingda xu jintaw bilen uchriship, chingxu'a uniwérsitétida söz qilidiken.

Teywen prézidénti chén shüybyen, peyshenbe küni xitayni ziyaret qiliwatqan teywendiki öktichi partiye rehberlirini agahlandurdi. U mundaq deydu: " öktichi partiye rehberliri teywenni'ing igilik hoquqi we teywen xelqining parawanliqi shundaqla qanunlargha xilapliq qilmisa, hökümet ularning ziyaritige angliq pozitsiye tutidu." (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet