Chén shüybyen béyjingni teywenning xelq qurultay wekilliri saylimigha dexliy teruz yetküzdi dep eyiplidi


2005.05.09
Share on WhatsApp
Share on WhatsApp

Teywen xelq qurultay wekiller saylimi shenbe küni ötküzülidu. Teywen prézidénti chin shüybyen buning harpisida, xitay hökümitini teywenning xelq qurultay wekilliri saylimigha dexli - terüz yetküzdi dep eyiplidi.

Bu qétimqi xelq qurultay wekilliri saylimi teywenning asasiy qanunini islah qilip, omumiy xelq rayini sinash élip bérishni emelge ashurushqa biwaste baghlinishliq bolup, her qaysi partiyilerdin saylan'ghan xelq wekilliri kiler ayda asasiy qanun'gha islah kirgüzüsh we yaki kirgüzmeslik mesiliside bélet tashlaydu.

Amérika birleshme axbarat agéntliqining xewirige qarighanda, chin shüybyen yekshenbe küni kechte, xitay hökümitini teywendiki öktichi partiyilerning teywen asasiy qanunini islah qilishni tosushqa yardem bériwatidu dep körsetken.

Uning bildürüshiche, ötken yili teywen xelqperwer partiyisining re'isi song chuyü amérikida, xitay teywen ishliri ishxanisining mudiri chin yünling bilen körüshken. Xitay da'iriliri sung chuyüdin asasiy qanunni islah qilishqa qarshi turushqa chaqirghan. Netijide sung chuyü uzun ötmey asasiy qanunni islah qilishqa qarshi chiqqan.

Chin shüybyen ," bu xitayning teywenning asasiy qanunini islah qilishini chat kérip, teywenning ichki ishlirigha arilashqanliqining ipadisi" dep bildürdi.

Emma teywen xelqperwer partiyisi öz partiye re'isi songning amérikida xitay da'iriliri bilen söhbet ötküzgenlikini ret qilip, mezkur partiyining uzundin béri teywenning asasiy qanunini islah qilishqa qarshi ikenlikini körsetti. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.