Chén shüybyen teywenning xitaygha bolghan qizghinliqining peseygenlikini bildürdi


2005-05-23
Share

Teywen prézidénti chén shüybyen charshenbe küni öktichi partiye rehberlirining xitay sepiridin kéyin teywende shekillen'gen, xitay qizghinliqining hazir peseygenlikini bildürdi.

Chén shüybyen yaponiye we yawropa ittipaqining parlamént ezaliri bilen körüshkende bu sözlerni qilghan bolup, u yene, teywenning dawamliq türde ikki qirghaq munasiwitining normallishishini isteydighanliqini, lékin söhbet choqum démokratik we tinch yolda élip bérilishi kéreklikini bildürdi.

U sözide, jungxu'a min'goning igilik hoquqida ching turidighanliqini tekitlep, " teywen ikkinchi xongkong bolup qélishni xalimaydu" dédi. U yene, lyen-songlar xitayni ziyaret qilip kelgende, gerche teywende bir mezgil xitay qizghinliqi qozghalghan bolsimu, lékin xitay hökümitining yéqinda, teywenning dunya soda teshkilatigha kirishini yene bir qétim basturushining, teywen xelqini qaytidin oyghatqanliqini bildürdi.

Chén shüybyen yene yawropa ittipaqi emeldarlirigha, eger yawropa ittipaqi xitaygha qaratqan qoral cheklimisini bikar qilsa, bu, xitayni teywen'ge qoral küchi ishlitishke righbetlendürgenlik bolup hésablinidighanliqini bildürdi.(Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet