Teywen, dunyadiki siyasiy tesirini yuqiri kötürüsh üchün xelq'araliq bir teshkilat qurghan

Teywen hökümiti teywenning xelq'aradiki siyasiy tesirini yuqiri kötürüsh üchün, yekshenbe küni xelq'araliq bir teshkilat qurup chiqti.

Amérika birleshme agéntliqining teybéydin xewer qilishiche, tinch okyan démokratik ittipaqi dep atalghan mezkur teshkilatning tesis qilinish murasimigha amérika qatarliq 24 döletning wekilliri qatnashqan.

Xewerde éytilishiche, teybéyde ötküzülgen murasimgha qatnashqan méhmanlar arisida gwatimalaning prézidénti oskar berger perdamu we kostarikaning prézidénti abal pachikomu bar iken.

Teywen prézidénti chin shüybyen murasimda söz qilip, yéngi qurulghan tinch okyan démokratik ittipaqining ezalirini erkinlik we démokratiye üchün yéngi bir dewr échishqa, démokratik islahat bérish we herbiy tajawuzchiliqini toxtitishi üchün xitay hökümitige bésim ishlitishke chaqirdi.

Xewerlerge qarighanda, teywen hökümiti teywenning teshebbusi bilen qurulghan tinch okyan démokratik ittipaqining, teywenning xelq'ara teshkilatlargha qétilish herikitige yardem qilishini ümid qilidiken. (Qanat)