Chén shüybyen teywenning asasiy gewde éngide ching turushni tekitlidi

Gerche xitayning we teywendiki qarshi küchlerning bésimi barghanséri kücheysimu, lékin teywen prézidénti chén shüybyen yekshenbe küni yenila teywenning asasiy gewde éngide ching turushni tekitlidi.

Amérika birleshme agéntliqining xewirige qarighanda, chén shüybyen yéngi yil munasiwiti bilen qilghan nutiqida bu sözlerni qilghan bolup, u yene, kéler yili teywende yéngi asasiy qanun omumiy saylimini ötküzüsh éhtimalliqinimu yoq dégili bolmaydighanliqini éytti.

U sözide yene, teywenni "jungxu'a xelq jumhuriyiti" ge tewe emes dep jakarlidi. Chén shüybyen özining dawamliq siyasiy islahatni qoghlishidighanliqini éytip, teywenning dölet mudapi'esini kücheytishke chaqirdi.

U yéngi yil munasiwiti bilen qilghan nutiqida yene, "teywenning kelgüsini peqet 23 milyon teywen xelqila békiteleydu" dédi. Chén shüybyen we teywenning musteqilliqini yaqlaydighan démokratiye ilgharliq partiyisining hakimiyet sürginige 5 yil boldi. Shundin buyan teywen bilen xitayning munasiwiti téximu nacharlidi. (Peride)