Тәйвән: хитай өзи һәқиқий аваричилиқ туғдурғучи


2006.02.08
Share on WhatsApp
Share on WhatsApp

Тәйвән президенти чен шүйбйән дөләт бирлики мәҗлисини бикар қилиш нәзәрийисини оттуриға қойғандин кейин, хитайдики тәйвән ишханиси чен шүйбйәнни " икки қирғақ мунасивитигә аваричилиқ туғдурғучи" дәп әйиблигән иди. Буниңға тәйвән чоң қуруқлуқ комитети дәрһал қарши чиқип, хитайниң әсли һәқиқий аваричилиқ туғдурғучи икәнликини билдүрди.

Хитайдики тәйвән ишлири ишханисиниң баянатчиси ле веййи, чен шүйбйәнниң бу нәзәрийисиниң тәйвән мустәқиллиқини әмәлгә ашуруш тиришчанлиқи икәнликини билдүрүп, " тәйвән рәһбириниң бу ипадилири, униң икки қирғақ мунасивити вә асия-тинч окян райониниң тинч мустәқиллиқиға аваричилиқ туғдурғучи вә зиянкәшлик қилғучи икәнликини көрситиду" деди.

Тәйвән чоң қуруқлуқ комитети дәрһал хитайниң баянатиға қарши инкас қайтурди. Комитет рәиси ву җавшйе "районниң муқимлиқи вә тинчлиқиға һәқиқий аваричилиқ туғдуриватқан хитайниң өзи. Чүнки хитай тохтимай депломатик йол билән тәйвәнни бесип, қорал күчи билән тәйвәнгә тәһдит селиватиду" дәп көрсәтти.

Ву сөзидә йәнә, тәйвән хәлқиниң хитайниң һәқиқий қияпитини тоғра тонуп йетишини әскәртип, хитай һөкүмитини "ағзида бир хил, әмәлийәттә башқичә һәрикәт қилиду" дәп әйиблиди. Тәйвән президенти чен шүйбйән бу йил баһар байрими мәзгилидә дөләт бирлики мәҗлиси вә дөләт бирлики принсипини әмәлдин қалдуруш нәзәрийисини оттуриға қойған иди. Бу нәзәрийини америка һөкүмитиму қарши алмиди һәмдә америка ташқи ишлар министирлиқиниң баянатчиси адам ирәли " биз һәр иккила тәрәпниң нөвәттики вәзийәтни өзгәртидиған бир тәрәплимә һәрикитигә қарши туримиз" деди.(Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.