Teywen: xitay özi heqiqiy awarichiliq tughdurghuchi


2006.02.08

Teywen prézidénti chén shüybyen dölet birliki mejlisini bikar qilish nezeriyisini otturigha qoyghandin kéyin, xitaydiki teywen ishxanisi chén shüybyenni " ikki qirghaq munasiwitige awarichiliq tughdurghuchi" dep eyibligen idi. Buninggha teywen chong quruqluq komitéti derhal qarshi chiqip, xitayning esli heqiqiy awarichiliq tughdurghuchi ikenlikini bildürdi.

Xitaydiki teywen ishliri ishxanisining bayanatchisi lé wéyyi, chén shüybyenning bu nezeriyisining teywen musteqilliqini emelge ashurush tirishchanliqi ikenlikini bildürüp, " teywen rehbirining bu ipadiliri, uning ikki qirghaq munasiwiti we asiya-tinch okyan rayonining tinch musteqilliqigha awarichiliq tughdurghuchi we ziyankeshlik qilghuchi ikenlikini körsitidu" dédi.

Teywen chong quruqluq komitéti derhal xitayning bayanatigha qarshi inkas qayturdi. Komitét re'isi wu jawshyé "rayonning muqimliqi we tinchliqigha heqiqiy awarichiliq tughduriwatqan xitayning özi. Chünki xitay toxtimay déplomatik yol bilen teywenni bésip, qoral küchi bilen teywen'ge tehdit séliwatidu" dep körsetti.

Wu sözide yene, teywen xelqining xitayning heqiqiy qiyapitini toghra tonup yétishini eskertip, xitay hökümitini "aghzida bir xil, emeliyette bashqiche heriket qilidu" dep eyiblidi. Teywen prézidénti chén shüybyen bu yil bahar bayrimi mezgilide dölet birliki mejlisi we dölet birliki prinsipini emeldin qaldurush nezeriyisini otturigha qoyghan idi. Bu nezeriyini amérika hökümitimu qarshi almidi hemde amérika tashqi ishlar ministirliqining bayanatchisi adam ireli " biz her ikkila terepning nöwettiki weziyetni özgertidighan bir tereplime herikitige qarshi turimiz" dédi.(Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.