Тәйвән бейҗиң даирилирини " ғайивий бир җуңго принсипи" дин ваз кечишкә чақирди


2006.03.14

Бейҗиң һөкүмити дөләтни бөлүшкәқарши туруш қануни чиқарғанлиқиниң бир йиллиқи вә хитай баш министири вен җябавниң сәйшәнбә күни тәйвән рәһбәрлирини тәнқид қилғанлиқиға қарита тәйвән һөкүмити шу күни баянат елан қилип, бейҗиң даирилирини " ғайивий бир җуңго принсипи" дин ваз кечишкә чақирди.

Тәйвән чоң қуруқлуқ комитетиниң башлиқи ву җавхуән вен җябавниң тәнқидин кейин елан қилған баянатида, бейҗиңниң бир җуңго принсипида чиң турувелиши әмилийәттә тәйвән боғизиниң һазирқи һалитигә қаритилған әң чоң бузғунчилиқ, деди. У, җуңгониң тәйвәнгә қорал ишлитиштин ваз кечишни рәт қилиши шәрқий асия районидики қалаймиқанчилиқниң әң чоң мәнбәси болуп қалмақта, дәйду. Униң әскәртишичә, җуңхуа хәлқ җумһурийити билән җуңхуа минго бир‏- биригә тәвә болмиған икки сияси гәвдә. Бу тәйвән боғизиниң узундин бери давамлишип келиватқан һалити. Җуңхуа хәлқ җумһурийитини өз ичигә алған һәр қандақ бир дөләтниң бу риаллиқни өзгәртиш һоқуқи йоқ икән.

Хитай баш министири вен җябав сәйшәнбә күни бейҗиңда мухбирларни күтүвелиш йиғини чақирип,тәйвән рәһбәрлирини икки қирғақ арисида аваричилиқ туғдурмақта, дәп әйиблиди. Вен җябавниң әскәртишичә, улар икки қирғақ хәлқиниң қериндашлиқ мунасивитини үзүп ташлимақчи икән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.