Тәйвән өктичи партийилири чен шүйбйәнниң тәхттин чүшишини тәләп қилип чоң намайиш қилди


2006.06.25

Йәкшәнбә күни тәйвәндики 2 өктичи партийә болған хәлқпәрвәр партийиси билән гоминдаң партийиси бирлишип чоң көләмдә намайиш өткүзди һәмдә чен шүйбйәнниң тәхттин чүшишини тәләп қилди.

Намайишқа қатнашқучиларниң сани 15 миңға йәткән болуп,гоминдаң партийисиниң рәиси ма йиңҗю бу намайишта, "чен шүйбйәнниң һоқуқини хәлқ бәргән. Чен шүйбйән һөкүмити иқтидарсиз вә парихор болғанлиқи үчүн хәлқниң ишәнчиси вә һөрмитидин чүшүп қалди" дәп нутуқ сөзлигән.

Тәйвән президенти чен шүйбйәнниң аяли вә күйоғлиға четилған хиянәтчилик вәқәси тәйвәндики өктичи партийиләрниң чен шүйбйәнни тәхттин чүшүшкә зорлаш һәрикитигә түрткә болған болуп, улар һәтта чен шүйбйәнни тәхттин чүшүрүш мәсилисидики лайиһисини тәйвән парламентиниң тәстиқлишиға сунған. Тәйвән парламенти 27‏- ийон күни бу лайиһигә беләт ташлимақчи.

Тәйвән парламентидики 221 орунниң 112 исини өктичи партийидикиләр игилигән. Мәзкур лайиһиниң мақуллиниши үчүн, буниңға чоқум парламенттики аз дегәндә 3/2 қисим әза мақуллуқ белити ташлиши керәк икән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.