Teywen öktichi partiyiliri chén shüybyenning texttin chüshishini telep qilip chong namayish qildi

Yekshenbe küni teywendiki 2 öktichi partiye bolghan xelqperwer partiyisi bilen gomindang partiyisi birliship chong kölemde namayish ötküzdi hemde chén shüybyenning texttin chüshishini telep qildi.

Namayishqa qatnashquchilarning sani 15 minggha yetken bolup,gomindang partiyisining re'isi ma yingjyu bu namayishta, "chén shüybyenning hoquqini xelq bergen. Chén shüybyen hökümiti iqtidarsiz we parixor bolghanliqi üchün xelqning ishenchisi we hörmitidin chüshüp qaldi" dep nutuq sözligen.

Teywen prézidénti chén shüybyenning ayali we küy'oghligha chétilghan xiyanetchilik weqesi teywendiki öktichi partiyilerning chén shüybyenni texttin chüshüshke zorlash herikitige türtke bolghan bolup, ular hetta chén shüybyenni texttin chüshürüsh mesilisidiki layihisini teywen parlaméntining testiqlishigha sun'ghan. Teywen parlaménti 27‏- iyon küni bu layihige bélet tashlimaqchi.

Teywen parlaméntidiki 221 orunning 112 isini öktichi partiyidikiler igiligen. Mezkur layihining maqullinishi üchün, buninggha choqum parlaménttiki az dégende 3/2 qisim eza maqulluq béliti tashlishi kérek iken. (Peride)