Teywen xitayning yuqiri derijilik emeldarining teywenni ziyaret qilish iltimasini ret qildi

Teywen da'iriliri jüme küni xitay dölet kabinti teywen ishlar ishxanisining mudiri chén yünlinning teywenni ziyaret qilish iltimasini ret qildi. Buningdin bir kün burun béyjing da'iriliri chén yünlinning teywenni ziyaret qilish pilani bikar qilghanliqini jakarlighan.

Chén yünlin, teywen gomindang partiyisining teklipi boyiche bu yil öktebirde ötküzülidighan ikki qirghaq yéza igilik yighinigha qatnashmaqchi idi. Eger bu emelge ashqan bolsa, chén yünlin hazirghiche xitayning teywenni ziyaret qilghan eng yuqiri derijilik emeldari bolup qalatti.

Shinxu'a axbarat agéntliqi peyshenbe küni gomindang da'irilirining chén yünlinning teywen'ge teklip qilish pilanidin waz kechkenlikini we yéza igilik yighinining xitayda ötküzülidighanliqini xewer qildi. Chén yünlinning iltimasi ret qilinish bilen birge teywen chong quruqluq komitéti béyjing da'irilirining teywen bilen munasiwitini yaxshilash niyiti yoq, dep eyibligen. (Erkin)