Тәйвән президенти чен шүйбйән тәптиш даирилириниң әйиблишини рәт қилди


2006.11.06

Тәйвән президенти чен шүйбйән йәкшәнбә күни вәзиписидин истипа беришни рәт қилип, тәйвән тәптиш даирилириниң у вә униң аяли һәққидики әйиблиши ни қобул қилмайдиғанлиқини билдүрди.

Тәптиш даирилири чен шүйбйән вә униң аяли ву шуҗенни тәйвән дипломатийә алаһидә фондиниң пулини өзиниң қиливелиш билән әйиблимәктә. Чен шүйбйән, йәкшәнбә күни телевизийә нутуқи елан қилип, тәптиш даирилириниң суал - сориқи вә тәкшүрүшини қобул қилидиғанлиқини билдүрди. У, "мениң йошурудиған һич нәрсәм йоқ," дәйду. Чен шүйбйән, вәзиписидин истипа бериш чақириғини рәт қилип, "әгәр сотчи мениң хиянәтчиликкә четилип қалғанлиқимни қарар қилса, истипа беришкә тәйярмән, дәп көрсәтти.

Тәйвән тәптиш даирилири җүмә күни чен шүйбйәнниң ханими ву шүйҗенни омумниң пулини өзиниң қиливелиш, ялған һөҗҗәт ясаш, ялған гуваһлиқтин өтүш билән әйиблигәндин кейин, тәйвән парламентидики өктичи партийиләр чен шүйбйәнни ағдуруш һәрикитини күчәйтти. Уни ағдуруш нийитидики партийиләр буни бир пурсәт, дәп қаримақта.

Ву шүйҗен 2002 - йилдин 2005 - йилғичә тәйвән дипломатийә алаһидә фондиниң 450 миң доллар пулини өзиниң қиливелиш билән әйибләнгән. Тәптиш даирлири чен шүйбйәнниң бу сәтчиликкә четилип қалғанлиқини илгири сүргән болсиму, лекин униң вәзипидә олтурған вақит ичидә кәчүрүм қилиниш һоқуқи бар. Лекин чен шүйбйән, тәптиш даирилиригә дипломатийә алаһидә фондиниң ишлитиш йолини чүшәндүридиғанлиқини билдүрди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.