Amérika teywenning nam özgertish heriktini qollimaydighanliqini bildürdi


2007.02.11
Share on WhatsApp
Share on WhatsApp

Amérika birleshme agéntliqining shenbe künidiki xewiride, amérika dölet mudapi'e ministirliqining, teywenning üch chong shirket namini özgertish heriktini qollimaydighanliqini bildürdi.

Xewerde éytilishiche, nam özgertish mesilisi, xitay chong quruqluqi we teywen her ikki terep üchün intayin nazuk bir mesile hésablinidiken. Teywen da'iriliri yéqinda teywendiki üch chong shirket, yeni"jonggu néfit shirkiti" " jonggu kémisazliq shirkiti" we "jungxu'a pochtisi" qatarliq shirketlerni "teywen néfit shirkiti", "teywen kémisazliq shirkiti" shuningdek "teywen pochtisi" dep özgertip qollinishqa bashlighan. Bu "jonggu néfit shirkiti" hemde "jongxu'a pochtisi" ning we xitay chong quruqluqidiki munasiwetlik orunlarning qattiq narazliqini meydan'gha keltürdi.

Amérika terep, teywenning shirket namlirini özgertishige qarita passip pozitsiye bildürgendin kéyin, teywen da'iriliri "bu teywenning ichki mesilisi, amérika buninggha arlashmasliqi kérek, nam özgertishning teywen müsteqqilliqi bilen qilche alaqisi yoq, shirket namlirini özgertish, peqet chet'ele'iklerning mezkür shirketlerni xitay chong quruqluq shrketliridin perqlendürüsh üchünla élip bérilghan" dep tekitlidi.

Biraq teywendiki bezi partiyiler, bu herketning arqisida chén shübyenning rol oynawatqanliqini, we buning teywenning weziyitini jiddileshtürwitidighanliqini bildürmekte. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.