Burun teywende tilgha élinish cheklen'gen "yigirme sekkizinchi féwral weqesi" bügün tilgha élindi

B b s ning xewer qilishiche, bügün teywende "yigirme sekkizinchi féwral weqesi" muziyi échilghan. "Yigirme sekkizinchi féwral weqesi" ge 60 yil toshqan bügünki künde, teywen prézidénti chén shuybyen mezkur muzéyining échilghanliqi munasiwiti bilen qilghan sözide, "yigirme sekkizinchi féwral weqesi" üchün eyni waqittiki xitay re'i'isi jang keyshining qanuni jawabkarliqini sürüshtürüsh lazimliqini tekitligen.

Birleshme agéntliqining xewer qilishiche, xitayning gomindang armiyisi 1947 ‏- yili 2 ‏- ayning 28 ‏- küni teywende, ishghaliyetke qarshi'iliq körsetken on minglighan teywenlikni qoralliq qirghan, türmige alghan we shuningdin tartip teywenni mustebit tüzüm astida idare qilishqa bashlighan. Bu weqeni teywenlikler "yigirme sekkizinchi féwral weqesi" dep ataydu.

Amérika awazining xewer qilishiche, chén shuybyen bügün qilghan sözide "burun teywende mustebit tüzüm yürgüzgen kishiler we guruhlarning köpinchisi sirttin kelgenler. Eger hazir teywen xelqining erkinlik we démokratiye arzuyini ishqa ashurush üchün burun xelqqe qirghinchiliq qilghan kishilerning jinayitini sürüshtürüshi "bir qisim kishilerge ziyankeshlik qilghanliq" dep qaralsa, bu heq bilen naheqni astin -üstün qilghanliq bolidu" dégen. (Weli)