Тәйвән һәрбий тәрәпниң муһим алақә вә манивер мәхпийәтлики хитайниң қолиға чүшүп қалди


2007.04.09

Тәйвән җасуслуқ оргини хитайниң туюқсиз һуҗумиға тәқлид қилинған бир һәрбий манивер өткүзүшни пиланлиған, әмма бу һәқтики материяллар тәйвән һәрбий хадиминиң сәвәнлики түпәйли хитайниң қолиға чүшүп кәткән.

Әслидә тәйвәнниң мушу ишқа алақидар бир һәрбий әмәлдари мәзкур материялларни буйруққа хилап һалда өйигә елип кәткән болуп, бу материяллар хитай компйотер хайкирлири қоюп бәргән "троян ети" вирусиниң һуҗумиға учрап оғрилап кетилгән.

Франсийә агентлиқиниң 9 ‏- април бәргән хәвиридә ейтилишчә, тәйвәнниң чен шуйбйән қатарлиқ юқири дәриҗилик әмәлдарлири арилашқан бу қетимлиқи һәрбий манивер бир нәччә күн ичидә шималий тәйвәндә өткүзүлмәкчи икән.

Тәйвән дөләт мудапиә министирлиқи уқтуруш чиқирип, мәзкур һәрбий мәхпийәтликниң ашкарилинип қелиш һадисини тәкшүридиғанлиқини билдүргән.

Мәлум болушичә, "хән гуаң 23" дәп аталған һәрбий маниверида негизлик рол ойниған полковник, хитай азадлиқ армийисиниң тәйвәнгә қарши қозғаш еһтималлиқи болған һуҗумиға тәқлид қилинған санлиқ мәлуматлар қоюлған бир кичик сақлиғучни өйигә елип кәткән болуп, бу сақлиғучқа һәрбий алақини күчәйтиш үчүн тәйвән 2003 ‏- тарқатқан "бошең ән" һәрбий программиси вә тәйвән қораллиқ қисминиң җасуслуқ вә көзитиш иқтидариға аит материяллири сақланған икән.

Тәйвән дөләт бихәтәрлики бюроси хадими лю шусүнниң билдүрүшичә, бу материялларниң хитай қолиға чүшүп қелиши тәйвән бихәтәрликигә муәййән зиян елип келидикән. Лекин у бу һәқтә тәпсилий тохталмиған. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.