Тәйвән б д т ниң икки қирғақ вәзийитини тәкшүрүшини тәләп қилди

Тәйвән даирилири бирләшкән дөләтләр тәшкилатидин тәйвән билән хитай оттурисидики һазирқи җиддийлик үстидин тәкшүрүп елип беришни тәләп қилидиғанлиқини билдүрди.

Тәйвән ташқи ишлар министири чен тәнсүн, тәйвәнниң б д т дики 13 иттипақдишиниң пәйшәнбә күни б д т баш секритари кофи аннанға бир илтимас сунуп, униң мәхсус гуруппа аҗритип хитай билән тәйвән оттурисидики җиддийлик үстидин тәкшүрүш елип беришини тәләп қилған.

Чен тәнсүн сөзидә йәнә, "кофи аннан икки қирғақни тинч диалог елип беришқа риғбәтләндүрүш үчүн зөрүр болған тиришчанлиқларни көрситиши керәк" дәп билдүрди.

Тәйвәнниң б д т дики иттипақдашлири илгири бу хилдики илтимасни 11 қетим сунған болуп, һәр қетимда хитайниң қаршилиқи билән тәстиқланмай кәлгән иди. Анализчилар бу қетимқисиниңму авалқилири билән охшаш ақивәткә қалидиғанлиқини пәрәз қилмақта.

Бу арида тәйвән һәрбий даирилири тәйвәндә ясалған су асти башқурулидиған бомбилирини тәйвәнниң хитайға қарайдиған деңиз бойиға орунлаштурған. Бу башқурулидиған бомбилар1000 километирлиқ мусапини басалайдиған болуп, бу хитайниң шәрқий җәнуб районлирини нишанлайдикән. (Пәридә)