Teywen b d t ning ikki qirghaq weziyitini tekshürüshini telep qildi

Teywen da'iriliri birleshken döletler teshkilatidin teywen bilen xitay otturisidiki hazirqi jiddiylik üstidin tekshürüp élip bérishni telep qilidighanliqini bildürdi.

Teywen tashqi ishlar ministiri chén tensün, teywenning b d t diki 13 ittipaqdishining peyshenbe küni b d t bash sékritari kofi annan'gha bir iltimas sunup, uning mexsus guruppa ajritip xitay bilen teywen otturisidiki jiddiylik üstidin tekshürüsh élip bérishini telep qilghan.

Chén tensün sözide yene, "kofi annan ikki qirghaqni tinch di'alog élip bérishqa righbetlendürüsh üchün zörür bolghan tirishchanliqlarni körsitishi kérek" dep bildürdi.

Teywenning b d t diki ittipaqdashliri ilgiri bu xildiki iltimasni 11 qétim sun'ghan bolup, her qétimda xitayning qarshiliqi bilen testiqlanmay kelgen idi. Analizchilar bu qétimqisiningmu awalqiliri bilen oxshash aqiwetke qalidighanliqini perez qilmaqta.

Bu arida teywen herbiy da'iriliri teywende yasalghan su asti bashqurulidighan bombilirini teywenning xitaygha qaraydighan déngiz boyigha orunlashturghan. Bu bashqurulidighan bombilar1000 kilométirliq musapini basalaydighan bolup, bu xitayning sherqiy jenub rayonlirini nishanlaydiken. (Peride)