Teywen, bashqurilidighan bombigha qarshi qoral sétiwélishning muhimliqini tekitlidi


2005.03.21
Share on WhatsApp
Share on WhatsApp

Teywen dölet mudapi'e ministirliqi düshenbe küni, xitay chong quruqliqidin kélidighan herbiy tehdidke taqabil turush üchün, teywenning amérikidin bashqurulidighan bombigha qarshi qoral sétiwélishqa jiddiy éhtiyajliq ikenlikini bildürdi.

Teywen dölet mudapi'e ministirliqi parlaméntqa sun'ghan doklatida, “xitay chong quruqliqi 2014 - yili 12 dane charlighuchi bashqurilidighan bomba bilen teywenning siyasiy, iqtisadiy we herbiy merkizige hum qilishi mumkin" dep körsetken.

Dölet mudapi'e ministirliqi yene teywenning buninggha taqabil turushi üchün kem dégende nechche on "wetenperwer" tipliq bashqurilidighan bombigha qarshi bashqurilidighan bomba ishlitishke toghra kélidighanliqini bildürgen hemde teywenni qoghdash üchün amérikidin 300 danidin artuq bashqurilidighan bomba sétiliwéshqa ihtiyajliq ikenlikini tekitligen.

Teywen dölet mudapi'e minsitirliqining amérikidin 15 milyard 500 milyon dollarliq bashqurilidighan bomba we su asti paraxudi qatarliq qorallarni sétiwélish pilani muzakire qiliniwatqan bolup, teywen memuriy mehkimisi ötken charshenbe küni bu qoral sodisini maqullighan. Biraq mezkur qoral sodisi teywen parlaméntining maqulliqidin ötkende andin emelge ashidu.

Bu arida, teywen "erkinlik waqti géziti" ning xewer qilishiche, teywen bilen sin'gapor 3 - ayning axiridin 4 - ayning bashlirighiche, teywenning jenubiy qismida birleshme herbiy manéwir ötküzmekchi bolghan. Bu, xitay hökümitining qattiq ghezipini qozghishi mumkin iken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.