Тәйвән җав зияңниң өлүмидин кейин хитайда сиясий ислаһат елип бирилишини тәләп қилди


2005.01.17

Тәйвән һөкүмити дүшәнбә күни хитай һөкүмитидин җав зияңниң өлүмидин кейин демократик вә сиясий ислаһат елип беришни тәләп қилди.

Тәйвән һөкүмитиниң баянатчиси чән чимәй тәйбейдә бәргән баянатида, биз бейҗиң һөкүмитини тарихни қайтидин көздин көчүрүп, тйәнәнмин мәйданида йүз бәргән вәқәгә тоғра баһа беришкә шундақла җав зияңниң сәврчан вә әпучанлиқидин дәрс елип хәлқниң хитайда очуқ вә демократик бир җәмийәт қуруш тоғрисидики тәләплирини һөрмәт қилишқа чақиримиз, диди.

Тәйвән һөкүмәт баянатчиси, хитай иқтисадиниң җав зияң хитай коммунистик партийисиниң баш сикретари болуп сайланғандин кейин тәрәққиятқа йүз тутқанлиқини, әмма демократийә, әркинлик, кишилик һоқуқ вә қанун саһәсидики тәрәққиятниң, иқтисадий җәһәттики илгириләшләргә маслашмиғанлиқини тәкитлиди.

У ниң йетишичә, тәйвән һөкүмити җав зияңниң өлүмидин кейинки вәқәләрни йеқиндин көзитидиғанлиқини билдүргән. Чүнки, җав зияңниң өлүми хитайда ички ихтилапларниң оттуриға чиқишиға вә муқимсизлиққа сәвәп болуши мумкин.

Лекин, сиясий анализчилар, җав зияңниң өлүминиң хитайда чоң өзгиришләрниң йүз беришигә сәвәп болмайдиғанлиқини, чүнки униң оттуриға қойған нурғун пиланлириниң, болупму иқтисадий ислаһат пиланиниң әмәлгә ашқанлиқини тәкитлимәктә. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.