Teywen jaw ziyangning ölümidin kéyin xitayda siyasiy islahat élip birilishini telep qildi


2005.01.17
Share on WhatsApp
Share on WhatsApp

Teywen hökümiti düshenbe küni xitay hökümitidin jaw ziyangning ölümidin kéyin démokratik we siyasiy islahat élip bérishni telep qildi.

Teywen hökümitining bayanatchisi chen chimey teybéyde bergen bayanatida, biz béyjing hökümitini tarixni qaytidin közdin köchürüp, tyen'enmin meydanida yüz bergen weqege toghra baha bérishke shundaqla jaw ziyangning sewrchan we epuchanliqidin ders élip xelqning xitayda ochuq we démokratik bir jemiyet qurush toghrisidiki teleplirini hörmet qilishqa chaqirimiz, didi.

Teywen hökümet bayanatchisi, xitay iqtisadining jaw ziyang xitay kommunistik partiyisining bash sikrétari bolup saylan'ghandin kéyin tereqqiyatqa yüz tutqanliqini, emma démokratiye, erkinlik, kishilik hoquq we qanun sahesidiki tereqqiyatning, iqtisadiy jehettiki ilgirileshlerge maslashmighanliqini tekitlidi.

U ning yétishiche, teywen hökümiti jaw ziyangning ölümidin kéyinki weqelerni yéqindin közitidighanliqini bildürgen. Chünki, jaw ziyangning ölümi xitayda ichki ixtilaplarning otturigha chiqishigha we muqimsizliqqa sewep bolushi mumkin.

Lékin, siyasiy analizchilar, jaw ziyangning ölümining xitayda chong özgirishlerning yüz bérishige sewep bolmaydighanliqini, chünki uning otturigha qoyghan nurghun pilanlirining, bolupmu iqtisadiy islahat pilanining emelge ashqanliqini tekitlimekte. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.