Хитай тәйвәнниң дөләт бирлики комитетини бикар қилишини әйиблиди


2006.02.28
Share on WhatsApp
Share on WhatsApp

Тәйвән президенти чен шүйбйән дөләт бирлики комитетини бикар қилидиғанлиқини җакарлиғандин кейин, хитай даирилири сәйшәнбә күни чен шүйбйәнниң қарариға күчлүк инкас қайтуруп, тәйвән президентиниң һәрикитини " мустәқиллиқ йолидики хәтәрлик қәдәм" дәп көрсәтти.

Хитай даирилириниң бу һәқтә чиқарған баянатида, " чен шүйбйән 'тәйвән мустәқиллиқи' ни тәрғип қилиш арқилиқ икки тәрәп арисида қаршилиқ вә дүшмәнлик пәйда қилмақчи" дәп билдүргән. Баянатта йәнә, " бу, тәйвән җәмийитигә пәқәт апәтла елип келиду" дийилгән.

Әмма президент чен шүйбйән өзиниң бу һәқтики қарарини ақлап, "дөләт бирлики комитети вә дөләт бирлики программиси хәлқниң қоллишидин айрилип қалди. Чүнки бу тәйвән хәлқиниң өз келәчикигә өзи қарар бериш һоқуқини чәкләп қойған" дәйду.

Хитай ташқи ишлар министирлиқи йәнә америкини тәйвәнниң бу һәрикитигә қарши чиқишқа чақирған һәмдә америка тәйвәнниң мустәқиллиқини қоллаватиду дәйдиған хата сегнал берип қоюштин сақлинишқа үндигән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.