Senshida taksi shopurliri ish tashlidi
2005.10.14
Xitayning senshi ölkisi linfén shehiride 3000 din artuq taksi shopuri charshenbe kündin bashlap bir qanche kündin béri ish tashlash we yighilish ötküzüsh herikiti élip bérip, sheherlik hökümetning sodigerler bilen birliship, guwanamisiz taksilarning tijaret qilishigha yol qoyghanliqini eyiblidi. Shuning bilen birge qatnash saqchilirining taksi shopurlirigha qalaymiqan jerimane qoyghanliqigha naraziliq bildürgen.
Xongkongda chiqidighan "wén xuy" gézitining xewer qilishiche, ish tashlighan shopurlar yollargha tosaq qoyghan. Ghezipini basalmighan bezi taksi shopurliri guwanamisiz tijaret qiliwatqan taksi we rikshichilargha hujum qilghan.
Weqeni öz közi bilen körgüchilerning eskertishiche, jüme küni yighilish heriketliri axirlashqan bolsimu, emma ish tashlash dawam qilmaqta.
Bu arida linfén sheherlik hökümet jiddiy uqturush tarqitip, taksi shopurlirini derhal ishqa chüshüshke chaqirip, saqchilarning qalaymiqan jerimane qoyush, guwahnamisiz taksi we rikshilar üstidin tertipke sélish élip baridighanliqini jakarlighan.
Xitayda puqralarning ijtima'iy adaletsizlikke qarshi naraziliqi kündin- kün'ge küchiyip, namayishlar kompartiye rehberlirini bi'aram qilishqa bashlighan idi. Bu mesile yéqinda chaqirilghan kompartiye merkiziy komitétining omumi yighinida otturigha qoyulghan. (Erkin)
Munasiwetlik maqalilar
- Chongching tégang ishchilirining namayishi basturuldi we ikki adem öldi
- Kishilik hoquq teshkilati xitaydin yaw fushinni qoyup bérishni telep qildi
- Xongkongda zéng chingxonggha qarshi namayishlar ötküzüldi
- Xitay déhqanliri ashliq élan qilip yerlik hökümetke naraziliq bildürdi
- Xitay da'iriliri eskerlerning namayishqa chiqishini cheklidi