Teywen da'irilirining tarix derslikini qayta özgertishi ghulghula qozghidi


2007.01.30

Teywenning toluq ottura mektepler üchün chiqarghan yéngi tarix dersliki, teywen ichi hem xitay chong quruqluqida küchlük ghulghula peyda qildi.

Teywen merkizi axbaratning xewerliridin melum bolushiche, teywen ma'arip tarmaqliri yéngi tarix derslikidiki ikki qirghaq munasiwitige munasiwetlik nazuk atalghulargha hem muhim tarixiy atalghulargha özgertish kirgüzgen, xitay chong quruqluqi, junggoning tarixi dégendek, teywen bilen xitayning munasiwitini ayriydighan, teywenning ezeldinla musteqil bir zémin ikenlikini ipadileydighan bezi söz ibarilerni qollan'ghan.

Yeni eslidiki tarix derslik kitabining "dölet tarixi" dégen namini "junggo tarixi" dep özgertken hem derslik mezmunida esli ishlitilgen "dölitimiz", "chong quruqluq" dégen sözlerning ornigha junggo dégenni qollan'ghan.

Uningdin bashqa ilgiriki tarix kitablirida "sun jungshen" dölet atisi dégen hörmetlik nam bilen atilip kelgen bolsa, yéngi tarix kitabta dölet atisi dégen nam élip tashlan'ghan. Hemde eslide "xen sulalisi öz bashqurushidiki qarshi chiqqan honlargha jaza yürüshi qildi" dep élin'ghan jümlige "xen sulalisi honlargha hujum qildi" dep özgertish kirgüzgen.

Amérika awazining seyshenbidiki xewiride körsitilishiche, xitay hökümiti teywen da'irilirining tarix kitabigha özgertish kirgüzishige "teywen da'iriliri tarixni burmilash arqiliq, teywenning tarixtin xitayning ayrilmas bir bölikilikini inkar qilip ewlatlargha bölgünchilik idiyisini singdürmekchi" dep qattiq naraziliq bildürgen.

Teywen démokratiye ilgharliq partiyisining re'isi yö shikün bolsa, teywen toluq ottura mektep yéngi tarix derslikini qollap, bu teywen yash ewladlirining, tupriqini tarixiy nuqtidin heqiqiy toghra tonushigha shundaqla teywenning özlikining gewdilinishige paydiliq" dep bildürgen. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.