Teywen xitayni teywenning dunya sehiye teshkilatigha kirishige tosqunluq qilghanliqi bilen eyiblidi


2006-01-29
Share

Teywen da'iriliri béyjing hökümitini teywenning dunya sehiye teshkilatida közetküchilik salahiyitini qolgha keltürüshige tosqunluq qilghan dep küchlük eyiblidi.

Teywen tashqi ishlar ministirliqi shenbe küni bu heqte élan qilghan bayanatida, xitay rehberliri teywen arilidiki 23 milyon kishining saghlamliqi we bext-sa'aditige ziyankeshlik qildi dep körsetken.

Bayanatta yene, "béyjing da'iriliri bir tereptin teywenning dunya sehiye teshkilatigha kirishige tosqunluq qilsa, yene bir tereptin teywen'ge saxtiliq bilen müshük éyiq sowgha qilip, ikki yüzlimichilik qilghan" dep yézilghan. Xitay hökümiti teywenni ezeldin xitayning bir ölkisi dep qarap kelgechke, teywenning dunya sehiye teshkilatigha oxshash chong xelq'araliq teshkilatlargha eza bolishigha tosqunluq qilip keldi.

B d t ning sehiye teshkilati ijra'iye komitéti ötken jüme küni, teywenning bu yil 5‏- ayda échilidighan dunya sehiye teshkilati yighinigha közetküchi salahiyitide qatnishish teliwini ret qilghanliqini jakarlidi. Teywen da'iriliri, xitay hökümitining dunya sehiye teshkilatigha küchlük bésim ishletkenliki sewebidin, teywenning bu teliwining ret qilin'ghanliqini eskertti.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet