Хитай мәдәнийәт министири, хитай америка үчүн тәһдит әмәс, деди

Америкини зиярәт қиливатқан хитай мәдәнийәт министири сән җяҗең, хитайниң күнсери күчлиниши америкиға тәһдит елип келиду дегән пәрәзләр, хитайни яхши тонумаслиқтин келип чиққан әндишләрдин ибарәт, деди.

Хитай мәдәнийәт минстири дүшәнбә күни, вашингтондики миллий мәтбуат кулубида мухбирларға бәргән баянатида, хитайниң күчийиши америкиға тәһдит дегән пәрәзләрниң хитайниң нөвәттики вәзийитини, тарихини вә мәдәнийитини яхши билмигәнликниң бир ипадиси икәнликини тәкитләп, лекин хитай бу көз қараштики кишиләрниң пикирлирини өзгәртәлмәйдиғанлиқини, чүнки уларниң хитай һәққидә аллибурун һөкүмини чиқирип болғанлиқини билдүрди.

Йеқиндин бири, америка дөләт мәҗлисидә хитай һәққидә нурғунлиған гуваһлиқ аңлаш йиғинлири өткүзүлгән болуп, бу йиғинларниң көпинчисидә коммунист хитай һөкүмитиниң дунядики йеңи орниниң, америкиниң миллий мәнпәтлири үчүн тәһдит яки тәһдит әмәслики мәсилиси үстидә тохталмақта. (Қанат)