En'gliye tetqiqat orni: xitayning herbiy küchi, asiya döletlirige tehdit


2005.10.26

Bash shitabi londondiki xelq'ara istratégiye tetqiqat orni yéqinda yilliq "herbiy tengpungliqi doklati" ni élan qilip, "xitay armiyisining zamaniwélishishi, sherqiy asiya döletlirini endishige salmaqta" dep bildürdi.

Doklatta, xitayning herbiy zamaniwélishishi we islahatining sherqiy we sherqiy shimaliy asiya döletliri üchün muhim mudapi'e bixeterlik mesilisi boliwatqanliqi yézilghan.

Doklatta körsitilishiche, xitay nöwette herbiy küchini aktipchanliq bilen kéngeytiwatqan bolup, kéler yilighiche bolghan mezgilde xitayning teywen ariligha toghrilap qoyghan bashqurilidighan bombisining sani 1000 gha yétidiken. Buningdin sirt yene, xitay azadliq armiyisi herbiy küchini meqsetlik halda déngiz sirtighiche kéngeytken.

Xelq'ara istratégiye tetqiqat orni bu yilliq doklatida yene, xitayning herbiy küchini kéngeytishi teywennila nishanlighan bolmastin, hetta déngiz sahilini halqighan hujum qilish iqtidariningmu téz tereqqiy qiliwatqanliqini yazghan.

Doklatta yene, xitay hökümitining rusiye bilen bolghan herbiy hemkarliqini kücheytiwatqanliqini we bundaq qilish arqiliq xitayning ottura asiyadiki tesir da'irisini kéngeytip amérikining bu yerdiki tesirini kichiklitishni meqset qilghanliqini otturigha qoyghan.

Xitayning qoralliq qisim omumiy esker küchi 2 milyon 225 ming kishi bolup, buning arisida quruqluq armiye eskiri 1 milyon 600 ming, déngiz armiye eskiri 225 ming we hawa armiye eskiri bolsa 400 minggha yétidiken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.