Тәйвән дөләт мудапиә министири хитайдин келидиған 10 чоң тәһдитни қияс қилди


2006.03.15

Тәйвән дөләт мудапиә министирлиқи йеқинда , тәйвән дөләт турғузуш мәһкимисигә доклат сунуп, тәйвән дөләт бирлики комитети вә программисини бикар қилғандин кейин, хитай һәрбий тәрәпниң кәлгүсидә 10 хил усулда тәйвәнгә һәрбий тәһдит ишлитиши мумкинликини оттуриға қойди.

Доклатта хитайниң, тәйвән боғизиниң бир қисим җайлирини тақаш, қәрәллик һалда уруш айрупиланлири билән тәйвән боғизини чарлаш яки атом бомбисини синақ қилиш, хитай айрупиланлири яки парахотлирини икки қирғақ арисидики оттура сизиқтин һалқитиш һәтта алаһидә қисим әтрәтлиридә тәйвән рәһбәрлирини сүйқәст қилип өлтүрүш мәшқлирини елип беришқа охшаш бир йүрүш усуллар билән тәйвән һөкүмитиниң ирадисигә тәһдит қилиши мумкинлики көрситилгән.

Дөләт мудапиә министири доклатида йәнә, "хитай һөкүмити тәйвәнгә қаритилған һәрбий мәшқләрни көпәйтип, йеңи типтики қораллирини көрситиш арқилиқ вәзийәтни җиддийләштүриши мумкин. Һәтта ишпйонларни селиш вә компютер қара меһманлири арқилиқ тәйвән һакимийитигә зиянкәшлик қилиши мумкин" дәп язған.

Дөләт мудапиә министирлиқиниң бу доклатиға қарита қанун турғузуш мәһкимисидики гоминдаңчилар гуман билән қарап, бу доклатни бир аз мубалиғә қиливетилгән дәп көрсәтти. Тәйвән дөләт мудапиә министири ли җйе гәрчә һазир хитайниң тәйвәнгә қарита бинормал һәрикити көрүлмисиму, лекин тәйвәнниң һәр даим урушниң алдини елишқа тәйяр туруши вә бу җәһәттики һушярлиқни юқири көтириши зөрүрликини ейтти. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.